المسمن بطريقة جديدة
مقادير العجين
زلافة الفرص من النوع الممتاز- زلافة دقيق سبيسيال
و الما البارد ماشي دافي اوا هدا سر من اسرار نجاحو
ملح حسب الذوق
خمارة الحلوى
طريقة تحضير المسمن والملوي
نعجنوه عادي ندلكوه ماتكون لعجينة لاقاسحة ولا جارية ونخليوها ترتاح شوية
ومن بعد كنديرو كورات ونستفوها فصينية مدهونة بالزيت او نغطيوها
ببلاستيكة وخليها ترتاح
وفهاد اللحضة نوجدو السر ديالنا كناخدو زلافة نديرو فيها كمية من الزبدة
والزيت والسميدة نكتروها شوية وخمارة ديال الحلوة
كنخلطه حتى كيتجانس وزلافة اخرى فيها الزيت
اوا الكويرات راه ارتاحو طلقيهم مزيان دهني شوية ديال داك الخليط
دالزبدة والسميدة والخميرة وربعي عادي وكرصي وبداي طيبي
فمقلة سخونة مرشوشة بالزيت صافي بلا متبقاي
ترشي الزيت غير رميها شوية وقلبيها دغيا
وبداي تدوري فيها فالمقلة باش طيب
من كل الجناب بلا مضغطي عليها
حيت غادي تخصري ليها التوراق
ليست هناك تعليقات:
إرسال تعليق