الأحد، 12 يونيو، 2016

تحضير بسيطلات صغار على شكل وردة

تحضير بسيطلات صغار على شكل وردةد

 

للأخت

نزهة



المقادير:

500g كروفيت

500g كلامار

علبة فطر

100g فرمسيل

ممكن تزيدوا حتى لحوت لبيض 
ورقات سيدنا موسى

بزار، ربيع، سكنجبر، تحميرا، الهريسة، صوجا خفيفة

نصف كيلو ورقة البسطيلة .

زبدة.

 

طريقة الحشو:

- ناخد لكروفيت او نسلقوه واحد 5 حتال 10 دقايق او نصفوه،ندوزو لكروفيت فمقلة مع معلقة ديال زبدة او شويا لملحة او توما او البزار او ربيع او تحميرا او نصف معلقة سودانية او وورقات سيدنا موسى

- ناخد لماء ديال سلق لكروفيت او نضيف فيه فرميسيل مع ورقات سيدنا موسى او شوية لملحة، غي منخليوهاش بزاف تاني بش متعلكش .

- نسلقو الكالمار او نقطعوه، نشحروه ف مقلة معا زبدة او شوية لملحة او ورقة سيدنا موسى او تحميرا او البزار او سكنجبر او ربيع او توما او نص معلقة سودانية


نبخرو اي نوع حوت ابيض مع الربيع ورقة سيدنا موسى- ندوزو علبة الفطر ف معلقة زبدة ف مقلة.

- نخلطو كلشي لمقادير لوجدنا ف مقلة، او نزيدو 2 معالق ديال زيت او صوجا او نصف معلقة سودانية أولى ملعقة كاملة حسب دوقك كين لكيبغيها تكون حارة.

ندوزو لتعمار:

* اول شي كناخدو اطار متوسط او قالب اللي يشد لينا العبار مقاد ديال البسيطلات.

* كنديرو فيه ورقة بسطيلة من الافضل من الحجم الكبير وتكون مدهونة بالزبدة والزيت.كنحطو الحشو.

* كنحطو من فوق ربع شريحة من فروماج السندويتش فالوسط.دائما مع الدهن.

* كنجمعو الاطراف بحال الكموسة.

* كنلويو شوية نص دائرة ماشي دارة كاملة،كنطلقو من يدينا،وكنبداو نفتحو داك الفم ديال الكموسة برفق،وفنس الوقت كنحاولو نقادو باش تعطي منظر جميل،حتى كيبان الفروماج.

* كنجمو الاطراف الى الاسفل لصقو بالبيض او بالدقيق مع الماء.



نبقاو على هاد شكل حتى نساليو بسيطلات ديالنا او تسالي لحشوة، او ندخلهم لفران ممكن تزينوهم بلفروماج محكوك أنا كيف مكتشفو فصورة زينتهم بوردة من ورقة البسطيلة

ليست هناك تعليقات:

إرسال تعليق