الثلاثاء، 28 يونيو، 2016

شوربة الحوت


شوربة الحوت
شوربة السمك بالخضر

المقادير:
1خيزو
1كورجيت
1 بصلة مقطعة على 2 
4 طماطم مقطة على 2 
فلفلة حلوة حمراء
ربطة قزبر و معدنوس شوية كرافس

2 حوت باجو او اي نوع حوت ابيض + كروفيت وكلمار
ملح
ابزار
زعفران
فلفل احمر(تحميرة)
1 م ك طماطم مركزة
1م هريسة
1صوص صوجا

نصف كاس زيت العود
نصف كاس عصير الحامض
فرمسيل ورقة سيدنا موسى

الطريقة:

في كوكوط,كنديرو الخضر,ربطة قزبر و معدنوس,لحوت,شوية كروفيت بقشوره,ملح,ابزار,تحميرة و الزعفران.

كنضيفو الماء بارد و كنغلقو الكوكوط ونديروها فوق النار و منين تصفر نقصولها و نحسبو 1/2 ساعة.

من بعد,كنزولو الكروفيت و الحوت ونقشروهم.وناخدو الباقي و نطحنوه و نمرروه في الصفاية مع الضغط عليه جيدا بالملعقة.كنضيفو الحوت مفرتت و الكروفيت لي قشرناه و كنرجعوا الكوكوط فوق النار,:





منين تغلى,نضيفولها لكروفيت الاخضر والكلمار,قزبر و طماطم المركزة وباقي الثوابل.كنحركو مزيان حتى تطيب وندوروها بالفرمسيل بحال لحريرة(كتكون شوي خفيفة)


و بالصحة و الراحة,نتمنى تكون عجباتكم و تجربوها.



ليست هناك تعليقات:

إرسال تعليق