الاثنين، 17 أكتوبر 2016

الرايب ديال الدر


الرايب ديال الدر
المقادير
لتر من الحليب
1دانون يومي فاني
1ساشي فاني
1ساشي حليب نيدو او مايعادل  3معالق كبار عامرين
4او5معالق كبار سنيدة على حساب لي تيبغي الحلاوة

الطريقة
تنديرو نصف لتر من الحليب باش يغلى وتانخدو النصف لتر الاخر تنخلطوه مع جميع المقادير الاخرى تنخلطوهم بجوج وتنكبهوم في كيسان التقديم
تناخدو كوكوت كبيرة تنديرو فيها ماء مغلي حسب طول الكيسان لي عندنا
تنحطو الكيسان ديالنا بالمهل وتنغلقو على الكوكوت وتنديرو ليها الصفارة ديالها
وبما ان الحال بارد تنحطو الكوكوت ديالنا في مكان دافئ وتنغطوها بشي مانطا صغيرة
تنخلوها لمدة 12ساعة او اكثر كلما كان الوقت اكثر كلما كان دانون ديالنا اعقد واطيب
تنحطو دانون في الثلاجة الى حين التقديم وكنزينوه بالي بغينا سواء فواكه اوسيرو حسب الدوق
بالصحة والراحة.

الثلاثاء، 4 أكتوبر 2016

ديسير ساهل وبلا فرن,

اسهل و ارقى حاجة يمكن للواحد يوجدها بالنسبة ليا البيسكوي واجد والكريمة اللي تجيك ساهلة طبقة بسكوي طبقة كريمة.التزيين  نتي وخيالك وابداعك ...هادو درتهم هادي شحال

الاثنين، 3 أكتوبر 2016

صابلي راقي وسهل التحضير

صابلي راقي وسهل التحضير

المكونات :

250 غ زبدة
125 غ سكر ارطب
1 كيس خميرة حلوى
فانيليا 02 حبات بيض
فرينة
للتزيين :
شوكولا ذائبة
مربى
جزيئات لماعة
التحضير:
نخدم الزبدة و السكر مليح ثم نضيف البيض واحدة بواحدة ثم نضيف الفانيليا والخميرة و نشيح بالفرينة حتى نتحصل على عجينة طرية نوعا ما
نتركها ترتاح لمدة ربع ساعة في الثلاجة من بعد نحلها فوق وسط مرشوش بالفرينة
و نقطعها بالطابع
ومن بعد نحطهم في صينية الفرن و نطيبهم
لازم يكون لونهم ذهبي
ومن بعد نخليهم يبردو مليح ونلصق كل 2 حبات بالمربى و من بعد نغطيهم بgلاصاج الشوكولا
و نزينهم بنصف حبة جوز و بالجزيئات اللماعة
ومن بعد نزين بخطوط من الشوكولا

الفقاص المالح

الفقاص المالح
500 غ زبدة
اربع بيضات
اربع قطع جبن
ملعقة كبيرة موطارد
ضمة البنة كنور
ابزار
ملعقة صغيرة ونصف ملح
جبن مبشور
الدقيق حسب الخليط
طريقة تحضير الفقاص مالح
يخلط الكل و يضاف الدقيق بعد ان تتجانس كل المكونات ونقسم العجين الى خمسة
الاولىبالزعتر
الثانية بالفرماج
الثالثة بالمطيشة الحك
الرابعة بالحبة السوداء
الخامسة بالفلفل الحار