مقروط التمر
الوصفة مقدمة من الأخت فاطمه الزهراء
المقادير
نص كيلو سميدة غليظة
رابعة سميدة رقيقة
زلافة صغيرة زبدة مذوبة
قرصة دالملح
نص كاس اتاي ماء الزهر
كاس ديال الماء او مقدار ما يجمع السميد
الحشوة:
عجينة التمر ربع كيلو
ملعقة كبيرة زبدة لينة
شوية قرفة وملعقة ماء زهر
نبسسوا السميد مع الملح مزيان بالزبدة ونزيد الماء الزهر
ونجمع بالتدريج بالماء بدون عجن
غير مقدار ما تجمع العجينة
: نديرو زوج كور ونخليهم على جنب
ندعك عجين التمر بالمقادير اللي معاه وندير كرة
: على ورق الزبدة او بلاستيك نطرق كرة الاولى
ونطرق كرة التمر بنفس الحجم ونحطها فوقها
ونطرق الكرة الثالثة ونحطها فوق
: ونحاول نغطي التمر كله باش ما يتحرقش فالمقلاة
: ندير المقلاة الثقيلة تسخن
ونطرق شوي العجين من فوق باش يثبتوا الطبقات ونبدا نقطع بالموس لوزانج
: واذا عندك النقاش نقشي على حسب الذوق او بالموس
وحطيهم فالمقلا سخونة ناشفة
وقلبيهم يطيبوا على زوج جهات كيجو غزالين مع القهوة واتاي
وبالصحة والراحة
راه ممكن يدخلو حتى للفران ويجيو ناشفين زوين
ليست هناك تعليقات:
إرسال تعليق